Dinosauria

Collectio sceletorum dinosauriorum. Ex sinistro cacumine: Microraptor gui, Apatosaurus louisae, Stegosaurus stenops, Triceratops horridus, Edmontosaurus regalis, Gastonia burgei.

---

Animalia — Chordata

Subphylum : Vertebrata 
Classis : Reptilia 
Subclassis : Diapsida 
Infraclassis : Archosauromorpha 
Superordo : Dinosauria 
Owen, 1842

   

Palaeontologia

233–0 m.a.: Triassico > Recens

pЄ

Є

O

S

D

C

P

T

I

K

pg

n

Subdivisiones: Ordines et familiae

* Ornithischia †

• • Ornithopoda †
  • Thyreophora †
  • Marginocephalia †
• Saurischia
  • Sauropodomorpha †
  • Theropoda

Dīnosauria (-iorum, n. pl.: nomen zoologicum ex verbis Graecis δεινός, 'terribilis' et σαῦρος, 'lacerta, reptile'), nonnumquam dinosauri (m. pl.), sunt diversissimus animalium superordo, qui ut vertebrata terrestria orbem terrarum plus quam 160 000 000 annorum regnabant, ab Aevo Triassico (abhinc annis fere 230 000 000) ad finem Aevi Cretacei (abhinc annis fere 65 000 000). Nomen a Ricardo Owen anno 1842 statutum est. Haec animalia aut carne aut herbis vescebantur. Exstinctio plurimarum specierum per exstinctionem Cretaceam-Palaeogenam facta est. Fossilia significant aves se ex dinosauriis theropodis Aevo Iurassico evolvisse. Aliqua dinosauria exstinctioni Cretaceae-Palaeogenae superfuerunt, maioribus omnium avium hodiernorum non exceptis. Qua de causa in hodiernis classificationis systematibus, aves quasi pro dinosauriis habentur – ex quorum grege eae solae usque ad praesens tempus supersunt.^[1][2]

Primum per culturam popularem multa dinosauria claritatem acceperunt, inter quorum numerum praecipue nominari oportet Velociraptorem, Tyrannosaurum, Triceratopa, Compsognathum, et Parasaurolophum.