Our website is made possible by displaying online advertisements to our visitors.
Please consider supporting us by disabling your ad blocker.
Fasti
Vide etiam paginam fere homonymam: Fasti (Ovidius).
Romae Fasti (-orum vel Fastus, -uum[1]) erant calendarium a pontificibus confectum, in quo indicabantur non tantum Kalendae, Nonae, Idus et nundinae, sed etiam quo die ius dici posset (dies fastus), quo die non posset (dies nefastus, diis sacratus), quo die comitia haberi fas esset (dies comitialis) ac nonnulla eventa insignia. Etiam praecipuae feriae die suo notabantur. Ita proprietates dierum recensebantur : Fasti in arcanis sacerdotum remanserunt, usque ad annum 304 a.C.n., cum Appii Claudi scriba Gnaeus Flavius eos divulgavit[2].
Ita nullo alio vocabulo antiqui Romani utebantur ad sensum exprimendum quod calendarium nominamus, quam fastis.
- ↑ Columella IX,14,12.
- ↑ Titus Livius IX,46 : "fastos circa Forum in albo proposuit" ; Cicero Pro Murena 25 ; Plinius HN XXXIII,17. Valerius Maximus II,5,2.
Previous Page Next Page
