Litterae Franciae

Litterae Franciae generatim sunt litterae Francice scriptae, praecipue a civibus Franciae; nomen etiam ad litteras a scriptoribus in Francia habitantibus spectare potest qui translaticiis Franciae linguis praeter Francicam utuntur. Litterae a civibus aliarum civitatum (exempli gratia, Algeria, Belgium, Canada, Helvetia, Marocum, Senegalia) Francice scriptae litterae Francogallicae appellari possunt (vulgo littérature francophone). Usque ad annum 2006, scriptores Francici plura acceperunt praemia Nobeliana litterarum quam mythistoriarum scriptores, poetae, et commentariorum scriptores ullius civitatis alius. Francia ipsa primum in indice praemiorum Nobelianorum litterarum per civitates digesta locum habet.

Litterae Franciae incolis Franciae nonnulla saecula fuerunt superbifica civitatis res, atque adeo una ex partibus litterarum Europaearum maximi momenti manet.^[1]