Our website is made possible by displaying online advertisements to our visitors.
Please consider supporting us by disabling your ad blocker.
Nigeria
Nigeria
Territoria finitima: Beninum, Res publica Nigritana, Tzadia, Cameronia, Insulae Sancti Thomae et Principis
Locus: 9°0′0″N 8°0′0″E
Caput: Abugia
Gestio
Princeps: Bola Tinubu
Praefectus: Bola Tinubu
Consilium: National Assembly of Nigeria
Iudicium: Supreme Court of Nigeria
Situs interretialis
Populus
Sermo publicus: Anglice
Zona horaria: UTC+1, Africa/Lagos, West Africa Time
Moneta: naira
Commemoratio
Nigeria[1] rite Respublica Foederalis Nigeriae, est civitas sui iuris in Africa Occidentali sita, maxima civitas per numerum incolarum in Africa. Inter Sahel in septentriones et Sinum Guineensem in australem in Oceano Atlantico iacet. Area superficialis 923 769 chiliometra quadrata, multitudo plus quam 211 milliones incolarum est. Civitates finitimae sunt Nigritania ad septentriones, Tzadia ad septentriones et orientem, Cammarunia ad orientem, et Beninum ad occidentem versus. Nigeria est respublica foederata quae triginta sex civitates et Territorium Capitale Foederale comprehendit, ubi Abugia caput (ex 12 Decembris 1991) patet. Maxima urbs est Lacupolis, una ex maximis orbis terrarum areis metropolitis et secunda a maxima in Africa.
Aliquot civitates traditionales et regna Saheliana e millennio secundo a.C.n. in regione regnaverunt, praecipue saeculo quinto decimo a.C.n. cultura Nok, quae omnes Nigeriae terras primum consociaverunt. Civitas hodierna ex colonia Britannica saeculo undevicensimo exorta est, et formam praesentem attigit cum Fridericus Lugard, primus baro Lugard, Protectoratum Nigeriae Australem et Protectoratum Nigeriae Septentrionalem anno 1914 coniungeret. Gubernatores Britannici rationes administrativas legitimasque constituerunt cum rectionem non rectam per principes traditionales in regione promulgarent.[2] Nigeria foederatio libera die 1 Octobris 1960 rite facta est. Post bellum civile quod ab anno 1967 ad annum 1970 saeviebat, rectiones civiles democratice electae et dictaturae militares inciderunt, donec Quarta Res Publica Nigeriana in comitiis anno 1999 habitis fieret. In comitiis generalibus anno 2015 habitis, praeses qui honorem gerebat primum repulsus est.[3]
Nigeria est civitas multinationalis, quam incolunt plus ducenti quinquaginta greges ethnici quingentis linguis distinctis utentes, omnibus pervarias culturas conservantibus.[4][5][6] Maximi greges ethnici sunt Hausa in septentrione (Regione Septentrionali), Yoruba in occidente (Yorubalandia), et Igbo in oriente (Igbolandia), qui una sunt plus quam sexaginta centesimae totius numeri incolarum.[7] Lingua publica est lingua Anglica Nigeriana, ad linguisticam unitatem nationalem alendam rite electa.[8] Constitutio Nigeriae libertatem religionis fovet,[9] et Nigeriam simul incolunt graves Musulmanorum et Christianorum in orbe terrarum partes.[10] Civitatis dimidium fere Musulmani plerumque in septentrione, dimidium fere Christiani plerumque in australi incolunt. Minores sunt religiones vernaculae, sicut religiones gentium Igbo et Yoruba.[11]
- ↑ "Nigeria, -ae" (de nomine Latino vide pp. 425-27 apud Google Books).
- ↑ Achebe, Nwando (2011). The female king of colonial Nigeria: Ahebi Ugbabe. Bloomington. ISBN 978-0-253-00507-6.
- ↑ "Nigeria's Buhari wins historic election landslide". Reuters. 2015-03-31.
- ↑ "Ethnicity in Nigeria". PBS. 5 Aprilis 2007.
- ↑ Nigeria. . Ethnologue.
- ↑ Pereltsvaig, Asya (16 Iunii 2011). "Linguistic diversity in Africa and Europe: Languages of the World".
- ↑ "NIGERIA – CIA WORLD FACTBOOK 2019".
- ↑ Mann, Charles C. (1990). "Choosing an Indigenous Official Language for Nigeria".
- ↑ "Nigerian Constitution". Nigeria Law.
- ↑ The countries with the 10 largest Christian populations and the 10 largest Muslim populations. . Pew Research Center.
- ↑ "Nigeria Fact Sheet". United States Embassy in Nigeria.
Previous Page Next Page
