Our website is made possible by displaying online advertisements to our visitors.
Please consider supporting us by disabling your ad blocker.
Raimundus Cattell
Raimundus Bernardus (Anglice Raymond Bernard) Cattell (natus Hill Top Bromvici in vico prope Birminghamiam die 20 Martii 1905; mortuus Honolulu Havaiorum die 2 Februarii 1998) fuit psychologus Anglicus et Americanus, qui investigatione psychometrica de structura psychologica inter personalitates innotuit.[1][2]
Eius opera etiam fundamenta personalitatis et temperamenti exploravit, ne deferantur iactus habilitatum cognitivarum, dynamicae motivationis animique motus mensurae, clinicae personalitatis abnormalis mensurae, exemplaria syntalitatis gregum socialiumque morum,[3] adhibitiones investigationis personalitatum ad psychotherapiam et theoriam educationis,[4] praedictores creativitatis rerumque gestarum,[5] ac permultae investigationis multivariatae rationes,[6] inter quas profectus rationum explicationis factorum ad haec dominia exploranda et metienda.[7][8] Cattell auctor, co-auctor, vel editor librorum academicorum paene sexaginta, plus quam 500 commentariorum investigatoriorum, et plus quam triginta normativarum probationum, quaestionnariorum, aestimationisque graduum psychometricorum.[9][10] Secundum aestimationem late citatam, Cattell fuit sextus decimus ab ornatissimo,[11] septimus a maximo in periodicis scientificis citato,[12] et inter fecundissimos quamquam controversissimos saeculi vicensimi psychologos.[13]
Anno 1937, Cattell ab Anglia discessit ut in Civitates Foederatas immigraret, cum in Universitatem Columbiae consedit, Eduardo Thorndike suadente. Anno autem 1938, cum professoratus in psychologia e G. Stanley Hall appellatus in Universitate Clarkiana praesto fieret, Cattell, a Thorndike commendatus, hanc dignitatem accepit, sed paucas investigationes ibi fecit, et "continenter abiecto animo erat."[14] Gordon Allport anno 1941 Cattell in ordinem professorum in Universitate Harvardiana intulit. Demum professor in Universitate Illinoesiana apud Urbana-Champaign fuit.
Anno 1977, Cattell se ad Havaios contulit ibique permansit, amore oceani navigationisque motus. Academicum autem cursum continuavit professor ad tempus et fautor in Universitate Havaiorum. Agnosticus erat.[1]
- ↑ 1.0 1.1 Gillis 2014.
- ↑ Festschrift pro Raymond B. Cattell (1988), The Analysis of Personality in Research and Assessment: In Tribute to Raymond B. Cattell, 2 Aprilis et 17 Iunii 1986 (University College London: Independent Assessment and Research Centre), praefatio K. M. Miller. ISBN 0-9504493-1-8.
- ↑ Cattell 1948.
- ↑ Cattell 1987.
- ↑ Cattell et Butcher 1968.
- ↑ Cattell 1966.
- ↑ Cattell 1972.
- ↑ Cattell 1978.
- ↑ Books and Mongraphs of Raymond B. Cattell. Multivariate Behavioral Research, 1984, 19:344-69.
- ↑ Cattell 1983:419-57.
- ↑ Eminent Psychologists of the Twentieth Century [Accessum 22 Octobris 2015].
- ↑ Haggbloom et al. 2002.
- ↑ Boyle et al. 2016.
- ↑ Tucker 2009.
Previous Page Next Page
