Our website is made possible by displaying online advertisements to our visitors.
Please consider supporting us by disabling your ad blocker.
Solanum lycopersicum
Solanum lycopersicum maturum
Solanum lycopersicum (binomen a Carolo Linnaeo anno 1753 statutum), Latinitate communi pomum aureum[1] seu amoris[2] est planta florens familiae Solanacearum, affinis tabaci, capsicorum, patatarum, et melongenarum. Quae planta e regione Andina Americae Australis orta est, ubi silvestres species cognatae fere duodecim hodie florent. Ibidem primum, iterum in Mexico aevo satis recenti domesticata est. Nostro tempore per orbem terrarum sub climatibus tropico, subtropico, temperato colitur.
- ↑ "Pomi d'oro, hoc est, Mala aurea": Matthiolus (1558) p. 537, cf. López-Terrada (sine anno) nota 24; "Pomum aureum vel amoris . . . vel de altero mundo": Gesnerus (1561).
- ↑ "Poma amoris": Camerarius (1586), Hernandez (1628); "solanum pomiferum": Gesnerus (1561) (nomen deprecatum), Matthiolus (1574), Bauhinus (1623).
Previous Page Next Page
