Spiraculum (arthropoda)

Spiraculum sive stigma est apertura in exosceletis insectorum et nonnullarum aranearum per quam aer tracheam intrat.^[1]

In respiratorio insectorum systemate, tubi tracheales oxygenium recte in textum praecipue reddunt. Spiracula efficaciter aperiri claudique possunt ad aquam amissam imminuendam, musculis circa spiraculum contractis et remissis. Qui musculi a systemate nervoso centrali continentur, sed chemicis locorum stimulis libere respondent. Aliquot insecta aquatica rationibus similibus aut alternis utuntur ne aqua tracheam intret. Tempora et temporis spatia conclusionum spiraculorum respiratorias organismi proportiones afficere possunt.^[2] Spiracula a setis circumdata aeris motum circa aperturam et ergo aquae amissionem imminuunt vel prohibent.

Inveniuntur spiracula in omnibus insectis, sed solum in certis araneis, sicut araneidis et lycosidis. Omnibus araneis olim erant pulmones foliacei, non tracheae; aliquot autem araneae systema tracheale evolverunt praeter tracheale insectorum systema, quod etiam exemplum evolutionis convergentis est. Quae autem araneae eorum pulmones foliaceos retinent, ut ambobus rationibus spirandi utantur.^[3][4]