Veneti (Gallia antiqua)

Vide etiam paginam discretivam: Veneti.

Veneti fuerunt populus Galliae antiquae stirpis Celtarum, lingua Gallica loquentes, in regione Armorica. A tempore belli Gallici a Caesare annis fere 58-51 a.C.n. gesti, Veneti sicut populi vicini sub imperio Romano comprehensi sunt. Civitatem Venetensem in provincia Gallia Lugdunensi constituerunt, urbe capitali Dariorigo. Saeculo fere IV p.C.n. dioecesis Venetensis ecclesiae Christianae constituta est, eisdem fere limitibus quibus civitas Gallica, Dariorigo sede episcopali.