Vesicula

Vesicula^[1][2] (-ae, f.) est saccus parvus reticulo endoplasmatico vel complexu Golgiano confectus et membranà inclusus, qui substantias condere vel transportare potest. Nonnumquam transportatores membranei appellantur. Non tantum intra cellulam substantias vehunt sed et per endocytosim e spatio extracellulari in cellulam introducunt et per exocytosim e cellula eiciunt. Ita nonnullae vesiculae substantiam quam ex una parte cellulae ceperunt ex altera parte eiusdem cellulae in liquidum extracellulare dimittuntː quod fit exempli gratia in intestini epithelio. Anno 2013 praemium Nobelianum Iacobo Rothman, Randy Schekman et Thomas Südhof attributum est qui transmeatus per vesiculas feliciter investigarunt.