Yuan Mei

Yuan Mei

Res apud Vicidata repertae:

Nativitas: 1716; Hancheum
Obitus: 3 Ianuarii 1797; Nanchinum
Patria: Familia Cim

Familia

Genitores: ; Zhang Shi
Coniunx: Wang Shi
Proles: Yuan Chi, Yuan Tong

Yuán Méi, litteris Sinicis 袁枚 (Hanchei die 25 Martii 1716 natus; mortuus Nanchini die 3 Ianuarii 1798), fuit pictor, poëta, et gastronomus aevi Cim. Auctor fuit Praeceptorum ex horto plenitudinis, anno 1796 divulgatorum; propter studia gastronomica unus e quattuor magnis ganeonibus Sinis celebratur.^[1]

Anno 1739, gradu jinshi nacto, in academiam Hanlin receptus est linguae Mandshuricae tiro. Magistratus in quattuor pagis provinciae Jiangsuensis inter 1742 et 1748 missus est, erudito Yinjishan^(en) favente. Deinde officiis publicis recusatis Nanchinum se retraxit ubi praedium ruinosum sibi reconstruebat quem "hortum plenitudinis" (隨園 Suiyuan) appellavit: unde magister Suiyuan nuncupatus erit. Ibi ab anno 1755 habitabat artesque picturae litterarumque et conviviorum colebat: patroni plures carmina ab eo composita prolixe remunerabantur. Circum se catervam discipularum poëtriarum congregavit; harum aliorumque poëtarum iuniorum opera edebat promovebatque; amicos litterarios frequentabat, inter quos Jiang Shiquan^(en), Yao Nai^(en), Cheng Jinfang^(en). Collectio operum eius, primum anno 1775 edita, editionibus recentioribus aucta est.

Epitaphium sibi praescripsit: "Sepulcrum illius Yuan ab horto plenitudinis, aevo Qing. Per mille autumnos decemque milium generationes, erunt qui magno aestimabunt."^[2]