Cepheiden

D'Cepheide sinn eng Klass vu verännerleche Stären, déi nom Stär δ Cephei am Stärebild Cepheus benannt sinn, eng Ënnerklass vun de Pulsatiounsverännerlechen. D'Cepheide veränneren hir Liichtkraaft streng periodesch, dobäi verännert sech och hir Uewerflächentemperatur an domat och hir Spektralklass. Typesch Cepheide pulséiere mat enger Period vun e puer Deeg. Den Delta Cephei beispillsweis mat zirka 5,37 Deeg, an deene sech seng Ausdeenung ëm ronn 2,7 Millioune km ännert.