Kuelbecherhaff

Kuelbecherhaff
Land	Lëtzebuerg
Kanton	Miersch
Gemeng	Helperknapp
Buergermeeschter	Paul Mangen
Awunner	6
	1. Januar 2021
Koordinaten	49° 43’ 17.9’’ N       06° 04’ 01’’ O

De Kuelbecherhaff ass en Haff a Lieu-dit an der Gemeng Helperknapp. Virum 1. Januar 2018 huet en zur fréierer Gemeng Tënten gehéiert.

E läit op enger Héicht vu ronn 320 m (NG-L) um Kuelbicherbierg (engem Ausleefer vum Béisebierg), deen no Westen hin op den Dall vun der Kalbaach erofgeet, an no Süden hin op dee vun der Äisch. Ronderëm ass Bësch.

Den Accès zum Haff geet iwwer eng schmuel Strooss, déi vum CR113 ofgeet, kuerz no der Kräizung mam CR105.

Den 20. November 2020 goufen d'Haaptgebaier vum Kuelbecherhaff als nationaalt Monument klasséiert^[1].

1. ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 23. Dezember 2024).