Nilton Martins

Nilton Martins
Gebuer	24. Juni 1982
Nationalitéit	Lëtzebuerg, Portugal
Aktivitéit	Filmregisseur, Filmschauspiller, Filmproduzent

Den Nilton Martins, gebuer de 24. Juni 1982 an der Stad Lëtzebuerg, ass e Film- an Theaterschauspiller, dee souwuel déi portugisesch wéi och déi lëtzebuergesch Nationalitéit huet.

No sengem Ofschloss a Commerce huet de Martins seng éischt Schréck an der Schauspillerei ënner der Uleedung vum Jean-François Wolff gemaach, wat en dozou bruecht huet, enger richteger Formatioun op der Paräisser École internationale de création audiovisuelle et de réalisation (EICAR) nozegoen. Hie schafft reegelméisseg a Frankräich an zu Lëtzebuerg fir de Kino, den Theater, d'Televisioun an d'Publicitéit. Ënner dem Pseudonym DJ Nilles trëtt de Martins och als DJ op.