Linguas construida

Un lingua construida es un lingua de cual sua fonolojia, gramatica e/o vocabulo es construida par un person o grupo en loca de evolui natural.

On pote categori linguas creada en multe modos. Per esemplo, on pote distingui entre linguas apriori e linguas aposteriori. La linguas apriori ("de la presedente" en latina) es nova creada de la imajina de la autor o par computa. La linguas aposteriori ("de la seguente" en latina) ave gramatica e vocabulo derivada de linguas natural.

La linguas aposteriori pote es divideda entre linguas scemal e linguas naturin. Linguas scemal ave un vocabulo e/o gramatica cual es alterada per coresponde a un scema nova creada. Linguas naturin reteni un vocabulo e/o gramatica cual reteni un sona e pare plu como linguas natural.

Final, on pote categori linguas creada par intende:

• Linguas lojical – pe: loglan, lojban, etc.
• Linguas filosofial – pe: la linguas creada par filosofistes como Francis Lodwick (1647, 1652), Thomas Urquhart (1651, 1652), George Dalgarno (1661), John Wilkins (1668) e Leibniz (1678).
• Linguas esperimental – pe: Láadan, toki pona, e-prime, etc.
• Linguas secreta – pe: la lingua ignota de san Hildegard de Bingen e (posible) la manoscrito de Voynich.
• Linguas de arte – pe: klingon, nova-parla, la linguas creada par J.R.R. Tolkien, etc.
• Linguas aidante internasional – pe: volapük, esperanto, interlingua, lingua franca nova, etc.
• Linguas aidante zonal – pe: medjusloviansce, afrihili, frenkisch, etc.