Romani (lingua)

Romani es la nom de la linguas de la popla romani. Los es de la familia Indica, comun clasida como parte de la sentral o norde-este zona de linguas Indica, ma a alga veses como un ramo de se mesma.

Sete varias de romani pote es comprendeda como linguas separada: romani vlax (sirca 900,000 parlores), romani balcan (700,000), romani carpatian (500,000), romani sinti (300,000), romani baltica (60,000), romani calo de suomi (12,000), e romani cimrica (vera poca, probable estinguida):

• Balcan
  • Romani balcan [rmn] (Serbia, etc)
• Norte
  • Romani baltica [rml] (Polsca, etc)
  • Romani carpatian [rmc] (Txesco)
  • Romani calo de suomi [rmf] (Suomi)
  • Romani sinte [rmo] (Deutxland, etc)
  • Romani cimrica [rmw] (Britan)
• Vlax
  • Romani vlax [rmy] (Romania, etc)

La lingua no es ofisial a cualce loca, ma es reconoseda como un lingua minor en multe paises. Varias de romani es aora deveni normida en la paises con cuantias grande de romanis. Ave ance alga atentas a crea un lingua normal unida.

Ave ance linguas miscada cual combina romani con la lingua de la loca - plu comun con parolas romani e la gramatica de la lingua local:

• Angloromani
• Scandoromani
• Lomavren (Armenia)
• Erromintxela (Euscaleria)
• Caló (Espania)
• Calão (Portugal)
• Romano-elinica
• Romano-serbsce