Tadjicistan

Tadjicistan
Informa jeneral
Capital:	Duxanbe
Lingua ofisial:	Tadjic
Dirije
Governa:
- Xef de stato:	Emomali Rahmon
- Xef de governa:	Kokhir Rasulzoda
Otras
Area:	143,100 km²
Popla:	7,076,598
Densia:
PIB:
Mone:
Zona de ora:
Numero de telefon:
Interede:

Tadjicistan (ofisil la Republica de Tadjicistan) es un pais montaniosa e sin costa en Asia sentral. Lo ave un popla de 8 milion persones (estimada en 2013) e un area de 143 100 cilometres cuadrida. Lo es bordada par Afganistan a la sude, Uzbecistan a la ueste, Cirgistan a la norde e Jonguo a la este. A sude es Pacistan, separada par la Coredor Wakhan streta. La teras tradisional de la popla tadjic ia inclui la paises moderna Tadjicistan, Afganistan e Uzbecistan.

La teritorio presente de Tadjicistan ia es abitada par cultures antica, incluinte la site Sarazm de la Neolitica e la Eda de Bronze, e ia conteni plu tarda renas de poplas de relijios e cultures diversa, incluinte la sivilia de Oxus, la cultur de Andronovo, budisme, cristanisme nestorian, zoroastrisme, manisme e islam. La rejion ia es renada par multe imperos e dinastias, incluinte la Impero Acemenan la Impero Sasanian, la Impero Heftalita, la Impero Samanida, la Impero Mongol, la Dinastia Timurida, la Impero Rusce, e final la Uni Soviet. Cuando la Uni Soviet ia desintegra en 1991, Tadjicistan ia deveni un nasion autonom. Un gera interna ia aveni cuasi direta pos la autonomi, entre 1992 e 1997. Pos la gera, la stablia political nova e aida esterna ia permete la crese de economia de la pais.

Tadjicistan es un republica presidental, composada de cuatro provinses. La plu de sua 8 milion persones parteni a la etnico tadjic, ci parla la lingua tadjic (un dialeto de farsi). Multe tadjices parla ance rusce como sua lingua du. La rejion Gorno-Badakhshan, poca poplada, conteni un diversia stonante de diversia lingual. Montanias covre plu ca 90% de la pais. Lo ave un economia traversante cual depende multe de la produi de aluminio e coton.

La site capital es Duxanbe.

v · d · m Nasiones de Asia
Asia norde	Rusia (Sibir)
Asia sude	Afganistan • Pacistan • Butan • Nepal • India • Bangladex • Srilanca • Maldives
Asia sude-este	Mianmar • Tai • Lau • Camputxa • Vietnam • Pilipinas • Malaisia • Singapor • Indonesia • Brune • Timor Este
Asia este	Japan • Xina • Taiuan • Corea Sude • Corea Norde • Mongol • Tibet
Asia sude-ueste	Turcia • Cipros • Haiastan • Sacartvelo • Azerbaijan • Suria • Lubnan • Israel • Filastin • Urdun • Arabia Saudi • Iaman • Uman • Catar • Barain • Amirias Arabi Unida • Cuait • Irac • Iran
Asia sentral	Cazacstan • Turcmenistan • Uzbecistan • Cirgistan • Tadjicistan