Alfastraoling

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Alfastraoling is 'n saort radioaktieve straoling.

In 't α-vervalspercès sjik de atoeamkern 'n ⁴He-kern oet; daomit verluus de radioisotoop twieë protonen en twieë neutrone. Dit wuuertj op kwantumniveau meugelik gemaak door 't tunneleffèk. 't Massagetaal wuuertj daomit mit veer verminderdj en 't atoeamnómmer mit twieë.

Alfastraoling is vrie zaachte straoling. 't Wuuertj al door e stökske pepier taengehaje. Sjajelike effèkte zeen van alfastraolers den ouch eigentlik allein te verwachten es de stof in 't lief wuuertj opgenómme. Den zeen de effèkte aevel neet te óngersjatte: ingeaosemdje deilkes van langdoerig aktieve alfastraolers gaeven 'n verhuuegdje kans op lóngkanker. Anger alfastraolers waere mekkelik inne knäök ingeboedj bie opnaam.