Basiliek (boewkunde)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

'n Basiliek ies 'n bepaald soort kèrkgeboew. 't Ies 'n lankwerpig geboew, dat verdeild ies in drie of 5 beuke, gesjeije door pilere (pileerbasiliek) of zule. 't Miedesjeep ies hoager en breier en kriet leech door boveleechte. Op 't ing bevink ziech de absis, woa 't miedesjeep gekruus weurt door 'n dweersjbeuk of transep. Zoa óntsjteit 'n T-vörm. Bie 't transep of sjtraolsgewies rónd de koargank bevinge ziech dèks absidiole of sjtraolkapelle. Aan de ander zie van 't hoofsjeep liek d'n ingank of narthex.