Catalaans

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

't Catalaans is 'n taol die in 't ooste vaan Spaanje gesproke weurt door zoe'n 7 miljoen lui(mojertaolsprekers). Daoboete is 't de officieel taol vaan Andorra en zien d'r in 't uterste zuie vaan Fraankriek en in Algheria op Sardinië nog Catalaanstaolege plaotse. 't Catalaans steit väöl körter bij 't Occitaans es 't Castiliaans; feitelek ligk 't midde tösse die twie taole in. De taol is behuurlek dialektisch verdeild; de officieel sjrieftaol, gebaseerd veural op 't dialek vaan Barcelona meh ouch mèt aander invloje, weurt door geine gesproke en veural roond Valencia en op de Baleare neet algemein geaccepteerd. 't Catalaans woort oonder Franco hendeg oonderdrök meh is allewijl 'n officieel taol vaan Spaanje.

De IOMTBM of AIDLCM heet zich bij de resolutie van Marseille van 18/19 november 2006 ouch euver de besjerming van dees minderheid en hun taol oetgesproke.