Donald Trump

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Donald John Trump (14 juni 1946, New York City) is 'nen Amerikaanse zakemaan, tillevisiepersoenlekheid. Heer waor vaan 2017 bis 2021 en is sinds 2025 de president vaan de Vereinegde Staote vaan Amerika naomes de Republican Party.

Sinds 1971 is heer de baas vaan The Trump Organisation, d'n eigeneer vaan al 't landgood wat behuurt bis de Trump-femilie en 'n groet aontal aander zake. Tijdens zien zakecarrière bouwde Trump 'n groet aontal kantoertores, hotels, casino's, golfbaone en aander faciliteite euver de ganse wereld. Zien kapitaol woort in september 2016 gesjat op zoen 3,4 mieljard dollar (oongeveeer 3,17 mieljard euro). Heer woort verkoze es de 45e president vaan de Vereinigde Staote op 8 november 2016 es vertegewäördiger vaan de Rippeblikeine en noom 't presidentssjap euver vaan Barack Obama. Heer versloog daomèt de kandidaot vaan de Democrate, Hillary Clinton. Bij de verkezinge vaan 2020 stèlde heer ziech weer kandidaot. Heer woort toen evels verslaoge door zienen Democratischen oetdager Joe Biden. In 2024 noom heer 't op tege de democratische kandidaat Kamala Harris, die de campagne vaan Biden veurzat. Sinds 20 jannewarie 2025 regeert heer weer 't land es de 47e president. Ziene vice-president woort de al bekinde sjriever en senator JD Vance.

Trump zie presidentsjap waor vaanaof 't begin controversieel, door zie gebrek aon politieke ervaoring, zien oongenuanceerde populistische oetspraoke en zie regelmaoteg geleegs. Heer woort algemein bekritiseerd um zien aonvel op democratische instèllinge wie de media. Zie verlees vaan de verkezinge weigerde heer te erkinne; in plaots daovaan vuurde heer zienen aonhaank aon tot 't oetindelek tot 'ne mislökde staotsgreep kaom.