Fauna

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.

Fauna is 'n systematische opsómming van taxa van dere die in 'n ómsjreve gebied of tiedperk veurkómme. Veur de taxa wuèrtj de status in 't gebied aangegaove. De euvereinkumstige beneuming veur plantje neump me flora. In de zoölogie en de paleontologie wuèrtj de term sómtieds gebroeke veur 'n tupische vergaoring van dere (en sómtieds plantje) gevónje op 'n bestumdje plaats of in 'ne bestumdjen tied aan te gaeve, wie weusdjefauna of de fauna van de lièg lenjer.

De naam is aafgelèdj gewaore van Fauna, 'n Romeinse vröchbaarheidsgodin. 't Waord fauna wuèrtj ouch gebroeke veur e book worin 't deerlaeve in e bestump gebied wuèrtj besjreve. De term woort veur 't ièrs gebroeke door Linnaeus in d'n titel van zie wirk in 1746: Fauna Suecica.