Gendiek

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Naers, es te dit dialek sjpriks.

Gendiek (Nederlandjs: Gendijk) is e klein gehuch bie Naer inne gemèndje Leudaal. 't Gehuch ligk tösse Naer en Nunem in, t'n zuje vanne Naerbaek (vanne Naerse gehuchte boete Gendiek ligken allein Eilandj en Wienerte ouch t'n zuje van dees baek). In 't naorde wuuertj Gendiek begrens door Naer, Eilandj en Kinkhaove, in 't oeaste door e veldjgebied richting de Maas, in 't zuje door e weigebied richting Bögkeme, in 't zuudoeaste door Nunem en in 't wèste door e groeat stök bós richting Heitse.