Hansem

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Naers, es te dit dialek sjpriks.

Hansem (Nederlandjs: Hanssum) is e groeat gehuch bie Naer inne gemèndje Leudaal. 't Gehuch ligk t'n naorde vanne Naerbaek en t'n zuje vanne Wienbaek. In 't naorde wuuertj Hansem begrens door Waje, in 't oeaste dore Maas, in 't zuje door Wienerte, in 't wèste door Naer (Bergersjtraot). Hansem is via Naer good te bereike via de Bergersjtraot, det vreuger ouch es 'n apaart gehuch woort gezeen.

Vreuger woort Hansem verdeildj in Groeët- en Klein-Hansem, allewiel wuuertj dit óngersjied eigentlik neet mieë gemaak, aangezeen Klein-Hansem praktisch verzwónjen is. Klein-Hansem loog t'n zuje vanne Naerbaek; Groeët-Hansem ligk t'n naorde van die baek.