Havert

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Zelfkantjs, es te dit dialek sjpriks.

Havert is e klei dörpke inne gemèndje Zelfkantj in 't Kreis Hinsberg. 't Ligk in 't wèstelik gebied vanne gemèndje, tössen Iezebrook, Sjalbrook en Lindj/Sjtein (oppe waeg nao Hönge). In Havert woeane net get mieër es 500 luuj.

De naam Havert mèntj esjwaad en woort veur 't ieës in 't jaor 1020 vermeldj. De wèsteliken taore vanne Sint-Gertrudiskirk woort in 't jaor 1525 geboedj. Havert woor 'n eige gemèndje (same mit Iezebrook en Sjalbrook) toet 't in 1969 bieje Zelfkantj geveug woort.