Metaal

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

E metaal is e sjemisch element oet ein vanne volgendje reekse van 't periodiek systeem:

• Alkalimetale;
• Aerdalkalimetale;
• Euvergangsmetale;
• Houfgroepmetale.

In 't periodiek systeem bevinje dees elemente zich allemaol links vanne semi-metale, of metalloïde. De metalloïde ligken op 'n diagonaal lien van boor (B) toet astaat (At).

Inkel algemein bekèndje metaalsaorte zeen: iezer, alleminium, kaoper, chroeam, nikkel, loead, zink, góld, zilver en platina, en ouch inkel legeringe zeen gemaak van metale, wie: bróns, messing, inox en soldeertin.

Metale höbben 'n aantaal kènmirkendje fysische eigesjappe:

• ze höbbe meistes e glimmendj uterlik;
• ze höbben 'n hoeag tejheid en zeen vervörmbaar;
• ze höbbe meistes 'n hoeag smultjpuntj; mit oetzunjering van kwik en gallium zeen alle metale vaste stoffe bie kamertemperatuur;
• ze zeen gooj geleiers van wurmdje en lektriciteit.