Noordoospolder

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Noordoospolder (Nederlands: Noordoostpolder) is 'ne polder en 'n gemeinte in de Nederlandse provincie Flevoland. Mèt 'n oppervlekde vaan 595,41 km² (boevaan 135,36 km² water) is de gemeinte ein vaan de groetste vaan Nederland, 't totaol aontal inwoeners waor 46.603 per 1 april 2016. Hoofplaats is Emmeloord, kleinder dörper zien Bant, Creil, Ens, Espel, Kraggenburg, Luttelgeest, Marknesse, Nagele, Rutten en Tollebeek. 't Veurmaoleg eiland Urk is gans geïntegreerd in de bedieking vaan de polder meh huurt neet bij de gemeinte Noordoospolder. Veur 't aajd, verlaote eiland Schokland gelt dit wel.