Op d'n Hiering

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Sjilves, es te dit dialek sjpriks.

Op d'n Hiering (Nederlands Op den Hering) is 'n buurtsjap van Sjilvend in de gemeinte Baekdale in Zuud Limburg. 'ne Ander naam is: Heringsbos.

De beboewing is gelege tege de Duutsje grens rónd grenspaol 266 aan de gelieknamige waeg Heringsbos. In 2003 wone d'r 30 luuj. Aan de weskant hèt de grenswaeg hie Heringsbos (mèt Nederlands naam- en verkièrsborde) en aan de oaskant (op 't Duutsj) An der Venne (mèt Duutsje naam- en verkièrsborde). Hie bevingk ziech de buurtsjap Niederbusch.