Polder

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'ne Polder is e door waterkieëringen ómgaeve gebied wovanne waterstandj kónsmaetig gergeldj kan waere. De waterstandj binne de polder is hiedoor lieëger es in 't ómringendj gebied. Polders waeren in 't algemein doorkruuts door watergeng. Veure waterhoeshajing is 't nuuedzakelik det de slaote good door kónne struime. Veur hievan zeker te zeen waere de slaote twieë kieër de jaor gesjoewdj: gecontroleerdj wuuertj of 't water deep zat is e of gein waterplantjen in 't water staon. Eigenere van landj grenzendj aan water zeen verplich óm häör slaote te sjoewe.

'ne Polder is 'n waterstaotkóndige einheid; det wil zègke det t'r gein verbinjing haet mit 't boetewater behalve via kónswirke. 'n Poldermeule, e gemaol (sómtieds mieëder) of spuujsloes regeltj 't polderpiel; via inlaote kan (vers) water waere binnegelaote. 'ne Polder is ómgaeve door ein of mieëder waterkieëring(e).

In deiler van 'ne polder kan e hoeager piel waere gehantjeerdj. Dit wuuertj geregeldj mit behölp van stuwe.