Posters

Dit artikel is gesjreve (of begós) in 't Posters. Laes hie wie v'r mit de versjillende saorte Limburgs ómgaon.

't Posters is 'n Limburgs dialek, dat gekald waert in Postert. In 2006 is 't waordebook van 't Posters versjene. Postert haet 'n heel eige dialek, det op 'n deil intersante puntje versjilt van beveurbildj 't Remunjs. 't Posters haet beveurbildj väöl meer palatalisering, zelfs meer es in 't Mofers 't geval is; dit deiltj 't mit anger dialekte in de Roerstreek: doe mósj.

't Richtig, ajerwèts Posters is in rap tempo vervange door regiolek det liek op 't Remunjs. Zeker ónger de jeug laef 't dialek neet meer.

Toos Schoenmakers-Visschers is 'n dichteres die in 't Posters sjrif.