Staar

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

'n Staar is 'n bolvörmig hiemelliechaam, bestaond oet leechgevend plasma. Bij de mieste stare is d'n drök en temperatuur vaan de inwendege gaasconcentratie zoe hoeg tot dao kernfusiereacties plaotsvinde. Daobij weure enorme hoeveelhede energie geproduceerd die door de staar weurt oetgezonde in versjèllende golflengte. De belaankriekste golflengte is woersjienelek de spectrale band vaan 't ziechtbaar leech. Ouch de eindstadia vaan stare, de witte dwerge en neutronestare, boe-in de kernfusie tot 'n ind is gekoume, weure tot de stare gerekend.

De staar die 't kortste bij is is veur us de Zon. Daonao volg de staar Proxima Centauri.