Vaduz

Dit artikel is gesjreve (of begós) in 't Minsters. Laes hie wie v'r mit de versjillende saorte Limburgs ómgaon.

Vadoez és de heudstad van 't kleen vorstedom Liechtenstein. De plak ként wel de heudstad ziën, mér 't és niët de grautste plaots van 't laand. Dat és Schaan. Vadoez lik én e dal aon de revier de Raajn. De gemeente hèt 'n oppervlaakte van 17,3 km² en juus wat miër as 5000 énwoeëners. De coördinaote bau-op de stad lik zaajn 47° 9′ NB, 9° 31′ OL.

Bekénd és 't Slot Vadoez, dat boeëve-op 'ne berg lik en autkik iëver de stad. Dit kestiël is de officieel residens van préns en zën prénselike familie. Aander beziënswèrdige gebouwe stoën én de aa stadskerre en umvat oonder aander de neogothische St. Florinkathedraol.

De miërderheid van de bevolkéng van Vadoez is Raums-Katholiek, mér 't gif ooch ménderheide van protestante en islamiete.