Vlaas

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Naers, es te dit dialek sjpriks.

Vlaas is e klein gehuch bie Naer inne gemèndje Leudaal. 't Gehuch ligk tösse Naer en Rogkel in, t'n naorde vanne Naerbaek. In 't naorde wuuertj Vlaas begrens door e groeat veldj- en bósgebied richting Echel, in 't oeaste door Gerhègke, in 't zuje door Drees en in 't wèste door Brumholt. Vreuger waas Vlaas d'n ènsigste beboedje waeg dae lèdje nao de aaj vingebiede t'n naorde van 't dörp Naer.

't Verzwónje gehuch Hove (Hoven) loog t'n oeaste van Brumholt en t'n zuje van Vlaas; allein 'n straotnaam herinjertj nag aan dit gehuch.