Weesgegroetje

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

'n Weesgegroetje ies bie de Katholieke 'n kort gebed tot de heilige Maria. 't Gebed sjtamp oet de 11e ièw. 't Ièrsjte deil van de inhoud geit truuk op 't evangelie van Lucas versj 1:28, woa-in de annunciatie en de visitatie, versj 1:42 ('t bezeuk van Maria aan häör niesje Elisabeth) weure besjreve. 't Twiède deil ies toegevoog in de 15e ièw, es devotie van de geluivige.

In de roazekrans en in processies weure weesgegroetjes door de luuj bie herhaling gebaejd. Meistal ies d'r dan eine veurbaejer, dae 't ièrsjte deil oetsjpriek gevolg door de luuj, die 't twiède deil oetsjpreke.