Zwitsers

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Zwitsers (Duutsj: Schweizer; Frans: Suisses; Italiaans: Svizzeri; Reto-Roemaans: Svizzers) zeen de inweuners van 't landj Zwitserlandj; 't is 'n aandujing veur 'n nasjenaliteit en neet veur 'n homogeen vouk, went de Zwitsers kónne waeren opgedeildj in veer gruup die eder häör eige spraok kalle:

• De Duutsjkallendje Zwitsers die 'ne lokale variant van 't Duutsj kalle: 't Zwitserduutsj;
• de Suisses romands in 't Franskallendj deil, Romandië;
• de Svizzeri Italiani in 't Italiaans deil van 't landj;
• enne Reto-Roemane die veural inne Graubünden wone.

't Aantaal Zwitsers is gegreudj van 1,7 miljoen in 1815 nao 7 miljoen in 2016. Mieër es 1,5 miljoen Zwitserse börgers höbben 'n dóbbel nasjenaliteit. Zoeaget 11% vanne Zwitsers börgers wonen in 't boetelandj, wovan 60% inne Europese Uunje.