Bovisa

Quest articol chì l'è scrivuu in lombard, grafia milanesa.

	«Lassa pur che 'l mond el disa ma Milan l'è on gran Milan Porta Cicca e la Bovisa che d'intorni proppi san»
	(Giovanni D'Anzi, Lassa pur che 'l mond el disa, 1935.)

La Bovisa (IPA: [la buˈ(ʋ)iːza]; scrivuu ingualment in talian) a l'è on quarter de Milan che 'l se troeva in del Municipi 9 de la cittaa.

El quarter el ciappa el sò nòmm da ona vegia cassina d'antiga datta di Corp Sant de Porta Comasina, la Cassina Bovisa, intorna a dovè el s'è formaa on borgh agricol ch'a l'è staa, poeu, ciappaa-dent a Milan, ind el 1873. A la sò voeulta, el nòmm Bovisa el riva, probabilment, de bovi (boeu).