Franka (vahoaka)

Ny Franka dia vahoaka jermanika niseho tamin' ny endrika kônfederasiôna teo amin' ny sisin' ny Empira Rômana nandritra ny Fanafihana Lehibe. Tamin' ny taonjato faha-5, tamin' ny fotoana nizarazaran' ny Empira Rômana, ny ampahany tamin' izy ireo dia nandresy ny tapany avaratr' i Galia Rômana, nanorim-ponenana tao, nanitatra ny faritra misy azy mianatsimo ary noho izany dia nanana anjara toerana lehibe tamin' ny faritra hatao hoe Frantsa, izay nandray io anarana io ho azy, ary koa i Nederlandy, i Belzika, i Loksemborga ary i Alemaina, tamin' ny fananganana satan' andriana izay hitantana ireo firenena ireo tamin' ny Andro Antenatenany.

Ny anaran' ny Franka koa no niandohan' ny anaran-toerana maro any Alemaina, ka ny malaza indrindra dia ny tanànan' i Frankfurt am Main sy i Franconia (Franken amin' ny teny alemàna), faritra any amin' ny tapany avaratr' i Bavaria (frantsay: Bavière).