Rindrankajy

Ny rindrankajy (anglisy: software) dia teny avy amin'ny teny roa soft sy ware izay midika hoe malemy sy entana izany hoe entana malemy(na azo ahova) izay mifanohitra amin'ny entana mafy tsy azo ahova (hardware). Eo amin'ny kajimirindra dia hita mazava tsara ny tsy fitoviana satria ny software dia tsy maintsy tehirizina ao anaty fitadidiana ary ny hardware dia izay entana rehetra azo tsapain-tanana.

Raha ampitahaina amin'ny olombelona dia ny saina no software ary ny vatana sy ny loha kosa dia hardware. Ny saina tsy misy raha tsy eo loha sy vatana mitahiry azy ary dia toy izany koa ny software tsy misy raha tsy eo ny hardware mitahiry azy.