Sarilangka

Sarilangka (/sriːˈlɑːŋkə,_ʔˈlæŋkə/, Sinhala: ශ්‍රී ලංකාව, śrī laṃkāva, bahaso Tamil: இலங்கை, ilaṅkai),^[1] rasminyo Republik Sosialis Demokratik Sarilangka, adolah suatu nagara pulau nan talatak di pasisia tenggara India, di wilayah Asia Salatan; nan daulu disabuik pulo jo namo Sailan (/sɨˈlɒn, seɪ-, siː-/). Sarilangka babatehan malalui lauik jo India di barat lauik sato jo Maladewa di barat daya.

Sarilangka lah tacatek dalam sijarah labiah dari 3.000 taun.^[2] Lokasi geografisnyo sarato palabuahan-palabuahannyo nan dalam manyabaukannyo jadi tampek nan strategis dan diparaluan bana, sajak jaman Jalan Suto^[3] daulu inggo Parang Dunia II.^[4] Sarilangka adolah nagara nan baragam, ado banyak agamo, etnis maupun bahaso.^[5] Iko adolah tanah aia bangso Sinhala, Tamil Sarilangka, Moor, Tamil India, Burgher, Malayu, Kaffir, jo aborigin Vedda.^[6] Sarilangka kayo jo warisan agamo Budha, dan tulisan-tulisan agamo Budha nan paliang tuo disusun di pulau iko.^[7] Sijarah maso kini nagara ko diwarnai dek parang sipil tigo puluah taun, nan akianyo sacaro jaleh namun kontroversial^[8] disalasaian malalui kakuatan militer pado taun 2009.^[9]

Sarilangka adolah suatu republik dan nagara kasatuan nan diparentah malalui sistem presidensial. Ibukotanyo, Sri Jayawardenapura-Kotte, adolah daerah suburban dari kota tagadangnyo, iyolah Kolombo. Produk-produk pantiangnyo adolah teh, kopi, batu paramato, karambia, karet, jo kayu manih nan tumbuahan asali pulau ko.^[10] Sarilangka tamusaua sabagai "Mutiara Lauik India" dek karano kaindahan alaminyo. Sarilangka lai disabuik pulo "aia mato India" dek karano bantuak jo lokasinyo, sarato jo julukan "nagara urang-urang nan tasanyum".^[11] Pulau ko punyo rimbo tropis jo baragam lanskap nan tinggi kaanekaragaman hayatinyo.

Nagara ko lah lamo talibak dalam ubuangan internasional, antaro lain sabagai anggota pandiri SAARC jo anggota PBB, Nagara-nagara Commonwealth, G77, jo Garakan Non Blok. Iko adolah satu-satunyo nagara di Asia Selatan nan saaik ko masuak kategori 'tinggi' dalam Indeks Pambangunan Manusia.^[12]

1. ↑ "Kamus bahasa Indonesia-Minangkabau". Pusat Bahasa Departemen Pendidikan Nasional. 
2. ↑ Roberts, Brian (2006). "Sri Lanka: Introduction". Urbanization and sustainability in Asia: case studies of good practice. ISBN 9789715616072. http://books.google.com/?id=PD8DseEWyuoC&printsec=frontcover. 
3. ↑ Bandaranayake, Senake (1990). "Sri Lankan Role in the Maritime Silk Route". Sri Lanka and the silk road of the sea. p. 21. ISBN 978-955-9043-02-7. http://books.google.com/books/about/Sri_Lanka_and_the_silk_road_of_the_sea.html?id=xmNuAAAAMAAJ. 
4. ↑ Pardana Mantari Britania Winston Churchill manggambaan saat armada Japang basiap-siap manyarubu Sarilangka, "the most dangerous and distressing moment of the entire conflict". – Commonwealth Air Training Program Museum, The Saviour of Ceylon Archived 2007-10-22 di Wayback Machine.
5. ↑ Domrös, Manfred (1998). Sri Lanka, past and present: Archaeology, Geography, Economics: selected papers on German research. ISBN 978-3-8236-1289-6. http://books.google.com/books?id=xhduAAAAMAAJ. 
6. ↑ "Vedda". Encyclopædia Britannica. 
7. ↑ "Religions – Buddhism: Theravada Buddhism". BBC. 2 October 2002. Diarsipkan dari versi asli tanggal 6 March 2012. Diakses tanggal 10 December 2013. 
8. ↑ UN maadopsia resolusi taradok panyalidiakan panjaek parang Sarilangka BBC
9. ↑ Reuters: Sarilangka manang parang sipil, keceknyo mambunuah pamimpin pambarontak Archived 2013-01-01 di Wayback Machine.. www.reuters.com (18 May 2009). Retrieved on 2012-11-18.
10. ↑ "Cinnamon". Encyclopædia Britannica: Cinnamon. Encyclopædia Britannica. 2 Pebruari 2008. "(species Cinnamomum zeylanicum), bushy evergreen tree of the laurel family (Lauraceae) native to Bangladesh, Sri Lanka (Ceylon), the neighboring Malabar Coast of India, and Myanmar (Burma), and also cultivated in South America and the West Indies for the spice consisting of its dried inner bark. The bark is widely used as a spice due to its distinct odor." 
11. ↑ "Sri Lanka's Way Forward: The Imperative to Foster Civic Engagement, Dialogue, and Reconciliation among Youth". Center for International Private Enterprise. Diarsipkan dari versi asli tanggal 2013-05-15. Diakses tanggal 2013-12-10. 
12. ↑ Kutipan rusak: Tag <ref> indak sah; indak ado teks untuak ref banamo HDI