Ferdinando Albano

Chist'articulo è sulo na bozza (stub). Si ce puó ddà na mano, p’’o fà addeventà nu poco meglio, spriemme ccà. Pe' ssapé comm’’e 'a fà, guarda ncopp’’e ccunvenziune 'e Wikipedia. Pe' ssapé quale so' tutte quant’’e stub, vaje a vedé 'a categoria stub.

Ferdinando Albano, 1894 – 1968, musecista napulitano, Cumpositore d"a múseca 'e paricchie canzone napulitane ca hanno avuto granne successo e fanno oramaie parte d"a storia d"a canzona napulitana. Canusciute pe' tutto 'o munno e nterpretate da 'e cchiù granne e famuse cantante napulitane.

Da 'e canzone musecate 'a isso so' state ricavate sceneggiate e film.

'E canzone soje ancora ogge, so' nterpretate e cantate e veneno trasmettuto d"a radio e d"a televisione.

'E cchiù canusciute canzone soje so':

• Zappatore d"o 1929 , musecata ncoppe 'e parole 'e Libero Bovio (Napule 8 'e giùgno 1883 – Napule 26 'e majo 1942). Da chesta canzona fuje fatta pure na sceneggiata ca pe' tutte 'e rappresentazzione ca ha avuto dint'ô tiempo, pure cagnanno paricchie cumpagnie e atture, ha avuto sempe nu successo gruosse assaje. 'A chesta canzone so' ste ricavate pure dduje film; 'o primmo fuje nterpretato 'a Gustavo Serena e Lucia Zanussi p"a Casa cinematografeca 'e proruzzione Any film 'e Vincenzo Pergamo. Paricchie anne doppo, fuje fatto pure n'atu film cu 'o stesso suggetto e fuje nterpretato 'a Mario Merola, facenno addeventà sta canzona 'o cavallo 'e battaglia 'e tutta 'a carriera artistica soja.

• 'O schiaffo, musecata ncoppe 'e parole 'e Pacifico Vento, autore tra l'ate 'o 1930 d"a famosa canzona Torna. D"a canzone 'O schiaffo fuje ricavato pure nu film, proròtto d"a Casa 'e proruzzione cinematografeca Miramare film 'e Emanuele Rotondo, ca teneve 'e tiatre 'e posa dinte a nu bar-chalet a via Nazario Sauro.

• Scapricciatiello d"o 1954, musecata ncoppe 'e parole 'e Pacifico Vento, edizzione Ferdinando Bideri, purtata 'o successo da 'o cantante napulitano Aurelio Fierro , (Montella, AV, 13 'e settembre 1923 – Napule, 13 'e màrzo 2005) e presentata 'a Festa 'e Piererotte d"o 1954 .

• Serenatella sciuè sciuè d"o 1957, musecata ncoppe 'e parole 'e Ettore De Mura, autore l'anno doppo 'e Tuppe-tuppe mariscià, siconna classificata 'o sesto Festival d"a canzona napulitana. 'A canzona Serenatella sciuè sciuè fuje pubblecata pe' ll'edizzione Ferdinando Bideri . Sta canzona fuje presentata dinte 'a televisione taliana dint'â trasmessiona Lotteria di capodanno, trasmessiona ca anticipaie, facenno 'a mamma, chella ca venette doppo e ca fuje cchiù famosa Canzonissima, addò specie pe' primme anne, partecipaieno paricchie cantante e canzone napulitane.

Una d"e ccanzone cchiú bbelle scritte da F. Albano rimane comunque Tutt"e Marie musicata cu 'e pparole 'e ll'avv.to R. Ferraro-Correra.