Bewegte Biller

Bewegte Biller is de Utdruck för en Affolg vun projizeerte Biller, de dör dat Wiesen in korte Tietafstännen mit egente Technik den Anschien vun Bewegen tüügt. Tomeist is de Begreep in’n Tosamenhang mit „Filmbiller“ meent. För dat Oog un de Wohrnehmen vun’n Minschen reckt al 16 bit 18 Biller in de Sekunn, üm den Anschien vun fleten Bewegen, also Kontinuität, to maken, so lang sik de enkelten Biller nich to dull vun’nanner ünnerscheedt.