Dag

Een Dag (m., pl. Daag, (ok: Deeg, Dääg, Däg)) is en Eenheit för de Tiet. En Dag op en Planeten duert so lang, as de Planet bruukt, dat he wedder nipp un nau sik so to de Sünn dreiht hett as he vörher weer. Op de Eer hett een Dag 24 Stünnen. So lang bruukt dat vun den böversten Stand vun de Sünn bet se wedder op den böversten Stand is.

Söben Daag sünd een Week. Elk Dag vun de Week (Weekdag) hett sien egen Naam. Een Maand hett 28 bet 31 Daag. Un dat Johr hett 365 oder 366 Daag.

As Dag ward obers ok kort de hellichte Dag meent, in'n Ünnerscheed to de Nacht. Dag is denn, wenn de Sünn an den Heven steiht.