Regen

Regen, oder Rägen, westföölsch ook Riägen oder Riängen, is een Wedderscheeniss un is de Aard Nedderslag, de up de Eerden up’t fäkenst upkümt. Regen sett sik uut Water tohope, dat as Damp in Wulken spiekert was, kundenseert un as Drüppen up de Eerden daalfallt.

Regendrüppens bind Stov un Aerosole, de in de Atmosphäre upstegen sind. Düsse Bestanddele bestimmt den pH-Weerd van den Regen. De verscheden Formen Regen unnerscheed sik na Upkumst, Duur, Intensität, Folg un Geografie

Fasten Nedderslag, to’n Bispeel Hagel, Gruvel oder Snee, is froren Water un kümt ook tohoop med Regen vermengelt up.