Standardbedingen

De Standardtostand warrt utgahnd vun de konzentratschoonsafhangig Formuleereng vun’t cheemsch Potential vun een schieren Stoff as de Tostand defineert, bi den de Weert vun’t Överföhrenslidd Null is.

aktuell Weert = Standardlidd + Överföhrenslidd

${\displaystyle \mu _{i(*)}(T,P)=\mu _{i(*)}^{\circ }(T,P)+RT\ln \left\{a_{i}\right\}}$

För den Druck kann man dat jüst so formuleeren:

${\displaystyle \mu _{i(*)}(T,P)=\mu _{i(*)}^{\circ }(T)+RT\ln \left\{{\frac {P}{P^{\circ }}}\right\}}$

Standardtostand ${\displaystyle \leftrightarrow }$ ${\displaystyle \ln \left\{{\frac {P}{P^{\circ }}}\right\}=0}$ ${\displaystyle \leftrightarrow }$ ${\displaystyle P=P^{\circ }}$

In de Praxis sünd de Standarbedingen in’n Ünnerscheed to de Normalbedingen nich weltwiet eenheitlich defineert

För Europa gellt historsch de Bedingen ut Amsterdam:

• Standarddruck p = 1 atm = 101325 Pa = 1013,25 hPa = 101,325 kPa = 1,01325 bar
• Standardtemperatur T = 298,15 K ↔ 25 °C un dorbi is de Luftdicht ρ = 1,184 kg/m³.

Begäng is aver ok T = 293,15 K ↔ 20 °C un dorbi is de Luftdicht ρ = 1,204 kg/m³.

In de Chemie, sünners in de physikalschen Chemie un de cheemschen Thermodynamik warrt ünner de Standarbedingen en Druck vun 1 bar oder 100 kPa, bi mehrere gasförmig Stoffen en Deeldruck vun je 1 bar verstahn. Bi löste Stoffen (t. B. Ionen) bedüüd dat en Konzentratschoon vun 1 mol/l. In öllere Lehrböker steiht manchmol ok noch 1 atm (= 101,325 kPa) as Standarddruck. De Standardtostand betücht sik nich op en sünnere Temperatur.

In de Biochemie gellt noch en wietere Definitschoon. De Standardtostand för de Waterstoffionen-Konzentratschoon (H⁺) bedriggt 10^-7 mol/l pH = 7. Water gellt dorüm bi 22 °C as cheemsch neutral, wat praktisch ungefäähr physiologschen Bedingen entsprekend deit.