Borgman

Nen borgman of borgkaerl (castellanus) was in de Middeleeuwn nen edelman den ne bi-jzundere rolle vervulden bi-j de verdaediging van nen burcht. Eurspronkelek waarn den borgleu verplicht op of bi-j et kastele van euren heer te wonnen. In ruul veur eur trouw ontvingen zi-j een bi-jzunder leengood, n borgleen.

In Deepn en Goor hebt de borgleu tot et ende van et Ancien régime bestoan. Et wodden n recht, ekoppeld an et bezit van een borgleen. De borgleu hadden in dizze plaetse ne bestuurleke rolle in de beneuming van börgemeisters, praekers, kösters en skoolmeisters. In Deepn is ne verzameling van 9 zilveren borgmansbekkers bewoard eblaeven uut et daarde kwart van de zeuventeende eeuwe. In 1962 wöd ter gelaegenheid van zienen tachtigsten verjoardag deur J.W.J baron de Vos van Steenwijk, eigenoar van et Huus Deepn, nen tienden borgmanssbekker an-eboaden an de gemeente Deepn.