Muntjeziel

Muntjeziel (Nederlaands: Munnekezijl) is t meest oostelk legen dörp van de gemeente Kölmerland en Nijkruusland, provìnzie Friesland (Nederland), en het 484 inwoners (1 jan. 2014).

t Dörp ligt aan t Muntjezielsterried, tegen de grins mit de provìnzie Grunnen. Woatersporters kinnen tericht ien passantenhoaven 't Eiland. Sikkom 4 kilometer ien t noorden van t dörp aachter de diek is de pruifstee 'Kölmerweerd' te vinden. Doar wordt onderzuik doan noar akkerbaauw- en vollegronds-groentegewazzen. Ook het t dörp n dörpshuus (de Schaanze), n kristelke boasisschool 't Oegh en de Muntjezielstermeul dij ook wel 'Rust Roest' nuimd wordt. t Is as pelmeul baauwd worden moar nou as korenmeulen ien bruken. Ien t zuden van t dörp leit n old boogbroggetje uut 1802, mit de noam t Piepke.