Gotland

Gotland er ei øy og eit svensk landskap i Austersjøen, kring 90 km frå den svenske fastlandskysten. Landskapet vert utgjort av øya Gotland i tillegg til Fårö, Karlsöarna, Gotska Sandön og fleire mindre øyar. Landskapet er eit eige len (Gotlands län), ein eigen kommune (Gotlands kommun) og eit eige kyrkjestift (Visby stift). Fram til 1921 var stavemåten Gottland. Då øya var styrt frå Danmark, vart øya kalla Gulland av danskane. Landskapet har 42 000 kjende fornminne. Det høgaste punktet er Lojsta hed på 83 meter over havet.