Greg Lake

Greg Lake
Lake på scenen i Llandudno i Wales i 2005
Fødd	10. november 1947
Fødestad	Poole, Dorset, England
Død	7. desember 2016 (69 år)
Dødsstad	London
Fødenamn	Gregory Stuart Lake
Opphav	Storbritannia
Aktiv	1966 til i dag
Sjanger	Progressiv rock, hardrock
Instrument	Vokal, gitar, bassgitar, munnspel
Kjende instrument	Custom Alembic models Custom Wal bass models
Stemmetype	bassrøyst
Tilknytte artistar	The Gods, King Crimson, Emerson, Lake & Palmer, Gary Moore, Asia, Emerson, Lake & Powell, Ringo Starr & His All-Starr Band
Plateselskap	Manticore, Chrysalis
Verka som	Musikar, låtskrivar, produsent

Gregory Stuart «Greg» Lake (10. november 1947–7. desember 2016) var ein engelsk musikar, låtskrivar og produsent, mest kjend som vokalist og bassist i King Crimson og bassist, gitarist, vokalist og tekstforfattar i Emerson, Lake & Palmer.

Lake var med på å grunnleggje den opphavlege gruppa King Crimson, og han vart etterpå eit viktig medlem av «supergruppa» Emerson, Lake & Palmer. Han turnerte òg ein kort periode for Asia i 1985, og gav ut to soloalbum, med ein påfølgjande turné, tidleg på 1980-talet. Albuma var Greg Lake (1981) og Manouvres (1983).

Som soloartist vart Lake kjent for julesongen «I Believe in Father Christmas» i 1975, som hadde med «Troika» frå Sergej Prokofjev-verket Lieutenant Kije som bakgrunnsspor. Andre kjende songar omfatta blant anna «C'est la vie» (Works, vol. I), «Still... You Turn Me On» (Brain Salad Surgery) og «From the Beginning» (Trilogy).

Greg Lake er ei viktig brikke i moderne musikk sidan debutalbumet til King Crimson, In the Court of the Crimson King. Den store suksessen til ELP på 1970-talet har òg bidrege til å endre musikkbilete i verda. I 1998 vart Emerson, Lake and Palmar omsider nedlagd og Lake forlét bandet. Han har ikkje vore spesielt aktiv på musikkscenen i form av eigne utgjevingar sidan, men har turnért blant anna som medlem i bandet til Ringo Starr i 2002.

I 2003 spelte han bass på The Who-singelen «Real Good Looking Boy». Hausten 2005 hadde han ein omfattande soloturne i Storbritannia.