Kapituleringa til Estland og Livland

Med kapituleringa av Estland og Livland i 1710 vart dei svenske maktområda Estland og Livland innlemma i Det russiske imperiet^[1] etter den store nordiske krigen.^[2] Adelen i Livland og byen Riga kapitulete den 15. juli 1710^[3] Pernau (Pärnu) i august,^[2] og den estiske adelen og byen Reval (Tallinn) den 10. oktober 1710.^[3] Russland let dei lokale institusjonane vere og stadfesta dei tradisjonelle privilegia til den tyske adelen og borgarane, særleg med omsyn til protestantisk tru.^[4]

Det svenske imperiet aksepterte formelt kapituleringane i freden i Nystad i 1721.^[5] Overføringa av dei baltiske provinsane markerte slutten på Sverige som ei stormakt og byrjinga til Russland som ei.^[6] Dei baltiske provinsane fekk halde den spesielle statusen sin til seint på 1800-talet.^[7]

1. ↑ Luts (2006), s. 159
2. ↑ ^{2,0 2,1} Frost (2000), s. 294
3. ↑ ^{3,0 3,1} Bushkovitch (2001), s. 294
4. ↑ Hatlie (2005), s. 115-116
5. ↑ Loit (2004), s. 72
6. ↑ Loit (2004), s. 69
7. ↑ Hatlie (2005), s. 116