Kjemisk formel

Ein kjemisk formel viser kva grunnstoff ei kjemisk sambinding er samansett av, og korleis. Om sambindinga er kovalent, viser formelen kor mange atom av kvart grunnstoff som er med i molekylet. Det kjemiske symbolet vert brukt for grunnstoffet. Talet på atom av dette stoffet i sambindinga vert vist ved eit senka tal. Til dømes inneheld eit metanmolekyl eit karbonatom og fire hydrogenatom. Da vert den kjemiske formelen CH₄.

Ein enkel måte å skriva formelen for eddiksyre på er C₂H₄O₂, men det finst fleire sambindingar som inneheld desse atoma. Ved å skriva CH₃COOH får ein fram litt av strukturen i molekylet.

Denne kjemiartikkelen er ei spire. Du kan hjelpe Nynorsk Wikipedia gjennom å utvide han.