Kvadratrot

I matematikk er kvadratrota til eit positivt, reelt tal a, det positive reelle talet som ganga med seg sjølv gjev a som resultat. Kvadratroten til a blir skrive ${\displaystyle {\sqrt {a}}}$. Til dømes er ${\displaystyle {\sqrt {9}}=3}$, sidan 3 × 3 = 9. a vert her kalla radikand. Å ganga eit tal med seg sjølv vert òg kalla å kvadrere.

Om a ≠ 0, finst det to tal x som tilfredsstiller likninga x² = a, og nokre gonger vert begge desse tala skrivne som kvadratrøtene til a. Om a er eit positivt reelt tal, er kvadratrøtene eit positivt og eit negativt tal med same absoluttverdi. Til dømes er kvadratrøtene til 9 lik 3 og -3. Symbolet √a refererer likevel alltid til den positive kvadratrota. Om a er eit negativt tal, er begge kvadratrøtene imaginære, og om a er kompleks, er begge kvadratrøtene òg komplekse.

Ein annan måte å skrive kvadratrota av x på, er å opphøge i ein halv, altså: ${\displaystyle x^{1 \over 2}={\sqrt {x}}}$, eller meir generelt: ${\displaystyle {\sqrt[{n}]{x}}=x^{1 \over n}}$.

Symbolet ${\displaystyle {\sqrt {}}}$ vart først nytta på 1500-talet.